Prosjekt til fordjuping

Vidareutdanning

Studiet passar for deg som er rådgivar eller lærar på yrkesfaglege program i vidaregåande skule. Studiet vil gje deg grunnlag for å vidareutvikle faget prosjekt til fordjuping med utgangspunkt i eigen praksis og erfaring.

Studieinnhald

Tilbodet er ein del av satsinga 'Kompetanse for kvalitet' i Utdanningsdirektoratet. Om du ønskjer å ta vidareutdanninga, må du først snakke med rektoren din om du kan delta. Etter at du har avklart dette, kan du søkje på studiet.

I studiet lærer du om

• innføring i faget prosjekt til fordjuping
• ungdom, læring og identitetsutvikling
• kommunikativ dugleik, rettleiing og fokus på kritisk analyse av eigen praksis
• innføring i entreprenørskap og REAL som pedagogisk verktøy
• om pedagogisk teori og metode i arbeidet med prosjekt til fordjuping

Du finn meir informasjon om studiet i studieplanen for 2012-13 (førebels plan).

Undervisningsmåtar

Studiet er sett saman av to emne á 15 studiepoeng. Kvart emne går over eitt semester. Studiet er samlingsbasert med tre samlingar over to dagar i kvart semester.

Undervisninga er basert på forelesingar, gruppearbeid og praksis på eigen arbeidsplass.

Mellom samlingane vil arbeid og oppfølging gå føre seg gjennom bruk av e-læringsverktøyet Fronter. Rettleiing av prosjekt vil foregå ved bruk av Skype eller Lync.

Det er ein føresetnad at emne 1 er gjennomført for å ta emne 2.

Sist endra: 07. mai 2012