Bedriftsøkonomi

Årsstudium

Ønskjer du grunnleggjande kunnskapar i økonomi og administrasjon? Årsstudium i bedriftsøkonomi kan nyttast som start på eit utdanningsløp, eller påfyll i den jobben du har. Økonomisk og administrativ kompetanse vil vere nyttig i mange jobbar.

Studieinnhald

Du får grunnleggjande kunnskapar og ferdigheiter innan fagområda bedriftsøkonomi, rekneskap, samfunnsøkonomi, organisasjonskunnskap og marknadsstrategi.

I studiet lærer du

• å gjennomføre enkle analyser innan dei ulike fagområda
• å vurdere bedriftsøkonomiske og samfunnsøkonomiske konsekvensar av ulike val og handlingar
• å utarbeide konsernrekneskap og lage ein enkel marknadsplan
• å forstå korleis organisasjonar fungerer

Det blir arrangert forkurs i matematikk ved studiestart.

Du finn meir informasjon om studiet i studieplanen for 2013-14.

Undervisningsmåtar

Forelesingar, sjølvstudium og oppgåveløysing. Vi koblar teori og praksis gjennom arbeid med aktuelle problemstillingar.

Jobbmoglegheiter

• Bedriftsøkonomi årsstudium kvalifiserer til ulike oppgåver innanfor næringsliv, offentleg forvaltning og organisasjonar.
• Meir om jobbmoglegheiter, personlege eigenskaper og løn (utdanning.no sine sider)

Vidare studium

• Etter fullført årsstudium kan du søkje opptak direkte til 2. år på bachelor i økonomi og administrasjon ved HiSF.
• Du kan også bruke studiet inn i ein bachelor ved andre høgskular og universitet.

Sist endra: 23. april 2013