- Målet mitt er å komme inn på Politihøgskolen. Jeg hadde hørt gode ord om Sogndal fra andre, og studiet virket veldig relevant. Ungdomssosiologi er et bra studium, og jeg har inntrykk av at det passer bra i forhold til målet mitt. Planen min var egentlig bare å ta et årsstudium, men nå trives jeg så godt i Sogndal at jeg vil bli her i flere år. Det er på grunn av det gode studentmiljøet. Det er veldig inkluderende, og du blir fort kjent med mange andre.
Hege Moen

Ungdomssosiologi

Årsstudium

Kva kjenneteiknar ungdomstida, og kva påverkar liva til unge menneske? Årsstudium i ungdomssosiologi gir deg innsikt i unge sine oppvekstvilkår. Studiet passar for deg som er interessert i samfunnet generelt og spesielt ungdomsproblematikk.

Studieinnhald

Studiet tek opp tema som korleis kjønn, sosial klasse, familie, nærmiljø, vennskap og media påverkar overgangsfasen frå barn til vaksen. Vi ser på dette ut frå både klassiske og moderne sosiologiske perspektiv.

Du lærer mellom anna

• kva utfordringar og forventningar som møter unge i dagens samfunn
• kvifor ulike ungdomsgrupper meistrar utfordringane ulikt
• kva forhold i familien, skulen, vennegjengen, nærmiljøet og samfunnet som forklarer ulik meistring
• om sosiologifaget og samfunnsvitskapleg og historisk metode

Du finn meir informasjon om studiet i studieplanen for 2011-12.

Undervisningsmåtar

I studiet vert det lagt opp til forelesingar, skriftleg arbeid med rettleiing, seminar- og gruppearbeid. Studiet stiller krav til sjølvstendig arbeid.

I første semester kan du delta på ei vekes frivilleg ekskursjon saman med samfunnsfagstudentane.

Yrke og vidare studium

Fullført studium kvalifiserer til opptak direkte til andre året i bachelor i sosiologi - ungdomssosiologi ved HiSF.

Saman med andre skulefag og praktisk-pedagogisk utdanning (PPU), kan studiet kvalifisere til undervisningsstilling i skulen.

Studiet kan gå inn som del av ein bachelorgrad ved HiSF, eller danne grunnlag for vidare studium ved universitet og høgskular i inn- og utland.

Studiet er nyttig som tilleggsutdanning for barnevernspedagogar, sosionomar og lærarar.

Sist endra: 17. april 2012