– Jeg hadde knapt vært på topptur før jeg kom hit, men ville lære. Særlig om fjellsport. Derfor valgte jeg Sogndal, som har spisset friluftslivutdanningen mer mot klatring og ski enn andre. Det er ganske fantastisk å kunne gjøre det morsomste man vet mens man er på skolen. Som å bestige Store og Midtre Ringstind på en og samme dag. Jeg har tenkt mye på hva slags arbeidsdag jeg vil ha. Først og fremst vil jeg ha en jobb jeg gleder meg til hver dag, og jeg tror jobbmulighetene er mange. Friluftsliv er veldig i tiden, samtidig som folk ønsker seg fiks, ferdige opplegg. Derfor vil vår kompetanse være etterspurt.
Stian Langeland

Friluftsliv

Bachelor

Kan du tenkje deg å jobbe med friluftsliv – liggje i gapahuk, klatre i fjell, stå på ski og gå på bre? Med Jotunheimen, Jostedalsbreen og Sognefjorden som vårt store klasserom er målet at du skal bli ein god, kompetent vegvisar innan friluftsliv i skule, helsesektor og naturbasert turisme. I undervisninga nyttar vi også dei gode lærings- og treningsfasilitetane på Fosshaugane Campus. Sogndal er kåra til Noregs beste UTEstad 2011.

Studieinnhald

Studiet legg vekt på å lære grunnleggjande, praktiske ferdigheiter i friluftsliv. Du skal få kunnskap om og øve opp evne til kritisk å vurdere haldningar som pregar vår levemåte og ulike formar for friluftsliv.

I studiet lærer du

• å planleggje, leie, organisere og gjennomføre toppturar, breføring, klatring og andre friluftslivaktivitetar
• grunnleggjande teori innan skredlære, ernæring, orientering og førstehjelp
• om fjell, klatring, naturbasert opplevingsturisme og rettleiarrolla

Har du årsstudium i idrett eller anna relevant utdanning kan du søkje opptak direkte til andre studieår. Dersom du har fagleg grunnlag som tilsvarar dei to første åra kan du søkje opptak direkte til tredje studieår. I desse tilfella søkjer du gjennom SøknadsWeb.

Du finn meir informasjon om studiet i studieplanen for 2011-12.

Undervisningsmåtar

Du får mykje undervisning ute i naturen. I tillegg har du forelesingar, gruppearbeid, individuelt arbeid, praksis, prosjektarbeid og ekskursjonar. Du skal også gjennomføre eigendefinerte turar i smågrupper.

Studieopphald i utlandet

I siste semester kan du ha eit studieopphald i utlandet.

Yrke og vidare studium

Studiet gir eit godt grunnlag for arbeid med idrett og friluftsliv innan frivillige institusjonar, helserehabilitering og den kommersielle naturbaserte reiselivsbransjen. Ved å ta eit år praktisk-pedagogisk utdanning i tillegg til bachelorgraden, kan du undervise i grunnskule, vidaregåande skule og folkehøgskule.

Med fullført bachelor i friluftsliv kan du søkje opptak til master i idrettsvitenskap ved HiSF. Studiet kan også danne grunnlag for opptak til masterstudium ved andre høgskular og universitet.

Sist endra: 17. april 2012