Naturfag

Årsstudium

Korleis blei fjordane til? Kvifor er breane blå? Dersom du vil lære meir om naturen, men er usikker på kva retning du skal velje, kan årsstudium i naturfag gi ein god start og eit grunnlag for vidare studium.

Studieinnhald

Årsstudiet i naturfag er bygd opp ved at du kombinerer emne som inngår i bachelorstudia fornybar energi, geologi og geofare og landskapsplanlegging med landskapsarkitektur.

Ved å setje saman emne frå desse studia kan du forme eit årsstudium som er tilpassa dine interesser og framtidsplanar. Du kan også velje å følgje alle emna frå eitt av bachelorstudia. Då kan du søkje opptak direkte til andre studieår i det aktuelle studiet når du er ferdig.

Du finn meir informasjon om studiet i studieplanen for 2011-12.

Undervisningsmåtar

Undervisninga kombinerer forelesingar, gruppearbeid, laboratorie- og feltarbeid. I tillegg blir det arrangert ekskursjonar til brear, fjell, fjordar og dalar i Sogn og Fjordane.

Yrke og vidare studium

Studiet kan inngå som del av ein bachelorgrad eller gi grunnlag for fritak ved tilsvarande høgskule- eller universitetsstudium.

Det er gode overgangsordningar til universiteta.

Sist endra: 17. april 2012