- Det er viktigere enn noen gang å ha et bevisst forhold til hvordan man kan utvikle landskap og byrom. Det er viktig å ha fokus på bærekraftig utvikling og ta vare på det biologiske mangfoldet. I studiet lærer vi veldig mye som har med det å gjøre, for eksempel økologi, botanikk, geologi og kulturarv. I Sogndal er det mye og svært variert natur, og "laboratoriet" vårt er rett utenfor forelesningssalen. I tillegg liker jeg å fiske, gå turer og gå på konserter, og har alle muligheter til å dyrke interessene mine her.
Odd Helge Løyning

Landskapsplanlegging med landskapsarkitektur

Bachelor

Ønskjer du å gjere byane meir grøne? Eller vil du planleggje og vurdere ulike typar inngrep i landskapet, som bygging av vegar eller oppføring av kraftlinjer? Bachelor i landskapsplanlegging passar for deg som er interessert i natur, økologi og kulturminne. Du får studere i vakker Vestlandsnatur, i eit fagmiljø som er blant dei fremste i landet.

Studieinnhald

Studiet fokuserer på økologisk innsikt, kulturlandskapsfag, planfag og landskapsarkitektur. Studiet er tverrfagleg og kombinerer naturfag og samfunnsfag med yrkesretta emne.

Du lærer mellom anna

• å sjå kulturlandskap, naturfag og forvaltning i samanheng med planlegging etter plan- og bygningslova
• å vurdere visuelle og økologiske konsekvensar av ulike inngrep i naturen
• å bruke elektroniske planleggingsverktøy

Du finn meir informasjon om studiet i studieplanen for 2011-12.

Undervisningsmåtar

Studiet er lagt opp med forelesingar, og dei fleste emna vil i tillegg innehalde ekskursjonar, laboratorieøvingar og/eller feltarbeid. Nokre emne er prosjektoppgåver som du kan løyse individuelt eller som gruppearbeid.

Studieopphald i utlandet

Du kan ta delar av studiet i utlandet.

Yrke og vidare studium

Etter fullført studium kan du arbeide innanfor arealplanlegging, forvaltning av natur- og kulturmiljø og innan landskapspleie. Du kan vere med og påverke avgjerdsler om utbygging, vern og bruk av natur- og kulturlandskap og tilrettelegging av grøntområde. Jobbane finn du både i offentleg og privat sektor.

Med fullført bachelor i landskapsplanlegging med landskapsarkitektur kan du søkje opptak til Master in Landscape Planning ved HiSF. Dette er eit nytt studium med oppstart hausten 2012.

Det er også fleire aktuelle masterstudium ved andre utdanningsinstitusjonar i inn- og utland.

Sist endra: 17. april 2012