- Jeg manglet matematikk- og fysikkravene for å komme inn på studiet, men kvalifiserte meg gjennom sommerkurset som høgskolen tilbyr. Det første året er det mye teorifag. Vi har veldig dyktige lærere, og jeg har lært utrolig mye. Hvis vi lurer på noe er det bare å spørre, og det fungerer veldig bra på grunn av de små klassene vi har. Vi får prøve ut teorien i praksis gjennom prosjektarbeid og labøvelser. Det er genialt at skolen er åpen 24 timer i døgnet - det har blitt noen lange netter før innleveringer. Studentmiljøet i Førde er veldig bra og intimt, og vi har en egen studentpub i høgskolebygget.
Ole Kristian Førsund

Ingeniør elektro - automatiseringsteknikk

Bachelor

Er du interessert i elektronikk og data? Då er bachelor i ingeniør elektro - automatiseringsteknikk noko for deg. Her får du spesialisere deg i automatisering i eit praktisk studium, der arbeid på laboratorium er sentralt. Næringslivet tilbyr både praksis og traineestillingar, og som elektroingeniør blir du ettertrakta på jobbmarknaden.

Studieinnhald

Dette er eit praktisk retta studium med stor fagleg breidde. Automatiseringsteknikk med måleteknikk og instrumentering står heilt sentralt i studiet. Du vil også ha matematisk-naturvitskaplege fag, samfunnsfag, tekniske fag og valfag.

Du lærer mellom anna om

• automatiseringsteknikk som plasserer deg midt i skjeringspunktet mellom data og elektro
• elektronikk, data, styrings- og reguleringsteknikk, instrumentering og måleteknikk
• data som hjelpemiddel, programmering, regulering, datainnsamling og datalagring

I tredje studieår kan du spesialisere deg innan til dømes byggautomatisering eller energiteknologi. Dette året skal du også gjennomføre eit hovudprosjekt i samarbeid med bedrifter og verksemder i fylket.

Gjennomførte hovudprosjekt frå ingeniørstudentar

• Automatisert pigging av lastebildekk
• Panteautomat
• Remotely Operated Vehicle

Du finn meir informasjon om studiet i studieplanen for 2011-12.

Undervisningsmåtar

Undervisninga varierer mellom forelesingar, gruppearbeid, laboratorieøvingar og prosjektarbeid med tett oppfølging av faglærar. Du vil også møte interessante gjesteforelesarar frå næringslivet. I siste semester kan du ha praksis i bedrift.

Studieopphald i utlandet

Du kan ta delar av studiet i utlandet.

Opptakskrav

Generell studiekompetanse og matematikk R1 (2MX), R2 (3MX) og Fys 1 (2FY). Manglar du matematikk- og fysikkrava, kan du kvalifisere deg gjennom ingeniør forkurs tresemester. Du kan óg kvalifisere deg gjennom ingeniør forkurs, eittårig. Realkompetanse. Dersom du ikkje oppfyller opptakskrava, men har fagbrev innan elektro, kan du søkje på ingeniør elektro - automatiseringsteknikk, Y-veien.

Yrke og vidare studium

Det er stort behov for ingeniørar i næringslivet. Mange verksemder treng ingeniørar i elektro og automatiseringsteknikk. Studentane våre er svært ettertrakta i næringslivet, og dei aller fleste får gode jobbtilbod før dei er ferdig utdanna.

Elektroingeniørar arbeider både offshore og på land. Mange elektroingeniørar arbeider mellom anna i databransjen og i høgteknologiske bedrifter.

Du kan søkje på trainee-stilling hjå ei av våre samarbeidsbedrifter, framtidsfylket.no.

Med fullført utdanning er du kvalifisert til å søkje på masterstudium i inn- og utland.

Sist endra: 17. april 2012