– Det at jeg valgte å studere fornybar energi har helt klart sammenheng med mitt engasjement for naturen. Valget stod mellom Sogndal og Universitetet på Ås. Det ene stedet er paddeflatt, mens det andre har fjell, fjord og uendelige treningsmuligheter rett utenfor døra. Et lett valg! All den kraftfulle naturen er også et viktig poeng i studiesammenheng. Vi drar på ekskursjoner i nærområdet for å se hvordan naturkreftene kan utnyttes og gjøres om til energi, samtidig som vi lærer å se det store bildet. Det er et allsidig studium, og jeg kan fordype meg i økonomi- eller planfag.
Gjermund Nordskar

Fornybar energi

Bachelor

Menneskeskapte klimaendringar, auka behov for energisikkerheit og næringsutvikling set stadig større fokus på bruk av fornybar energi. Ein bachelor i fornybar energi gir deg viktig kompetanse innan energiteknologi, miljøkonsekvensar, økonomi og arealplanlegging.

Studieinnhald

Du får grundig innføring i energisystemet med vekt på fornybar energi og systemet sine økonomiske, miljømessige og samfunnsmessige konsekvensar. Studiet har ei tverrfagleg tilnærming basert på ei grunnleggjande forståing av samspelet mellom teknologi, økonomi og arealplanlegging.

Du lærer mellom anna om

• energisystemet knytta til produksjon, distribusjon og bruk av energi
• dei viktigaste teknologiane som inngår i energisystemet med hovudvekt på dei fornybare energiteknologiane
• energisystemet sine miljøkonsekvensar og ulike metodar for å analysere desse

Du lærer også om produksjon og bruk av bioenergi, vindenergi, vasskraft og solenergi.

120 av i alt 180 studiepoeng er obligatoriske fag. Andre året vel du om du vil fordjupe deg i økonomifag eller planfag med sikte på å kunne ta ein mastergrad i ei av desse retningane etterpå.

Du finn meir informasjon om studiet i studieplanen for 2011-12.

Undervisningsmåtar

Studiet er lagt opp med forelesingar, laboratorie- og feltarbeid, ekskursjonar, gruppe- og prosjektoppgåver og seminar. Du vil også møte interessante gjesteforelesarar frå ulike fagfelt.

Yrke og vidare studium

Utdanninga gir god bakgrunn for å arbeide i energibedrifter, konsulentselskap, organisasjonar og offentleg forvaltning med oppgåver innan fornybar energi.

Etter fullført studium kan du søkje opptak på masterstudium ved NTNU og UMB.

Sist endra: 17. april 2012