Fojcik med opprykk til førstelektor
Marcin Andrzej Fojcik ved ingeniørutdanninga i Førde har fått opprykk til førstelektor.
Fojcik har vore tilsett ved høgskulen sidan mai 2006. Før han kom til HiSF underviste han i tolv år ved Silesian University of Technology i Gliwice og var elleve år i næringslivet innan industriell automasjon.
Spesialfelta til Fojcik er nettverk, styringssystem, datamaskiner, datateknikk, programmering, PLS og IKT. Av eit utal forskingsaktivitetar er han involvert i fem vitskaplige publikasjonar om industrielle styringssystemer i samarbeid med Silesian University. I samarbeid med geologi-miljøet i Sogndal har prosjektet "Geology and Information Technology Geological" gitt ut ni felles vitskaplige publikasjonar med støtte frå Polish Norwegian Research Fund. Fojcik har og vore sentral med sin deltakelse i ulike prosjekt i UH-nett Vest og TeknoVest og har også bidratt til eit tettare samarbeid mellom AHF og AIN gjennom studenprosjekt.
Opprykket til førstelektor vart markert med kake i lunsjen 23. januar. Vi gratulerer Marcin Fojcik med opprykk til førstelektor. Frå januar 2012 er Fojcik doktorgradsstipendiat ved HiSF.
Sist endra: 25. januar 2012 15:18:00