Ta pulsen på språket, 15 studiepoeng

Ynskjer du å bli betre i å halda foredrag? Skriva klårt og ubyråkratisk? Skriva nett-tekstar, referat og saksutgreiingar? Rett og slett skriva rett og god nynorsk? Studiet Ta pulsen på språket kan tilbydast for arbeidsgjevarar som ynskjer å auka kompetansen hjå dei tilsette.

Mål og målgruppe for studiet

Studiet har som mål å auka språkmedvitet og språkkompetansen hjå deltakarane og slik gje betra kommunikasjon mot brukarane av det offentlege sine tenester.

Hovudmålgruppa er saksbehandlarar og leiarar i offentleg forvaltning. Andre som er interesserte i godt språk, vil òg ha nytte av kurset.

Fagansvarleg

Førsteamanuensis Jan Olav Fretland.

Organisering

Kurset er oppbygt av:

• ei oppstartsamling over to dagar og tre dagssamlingar
• to innleverte dokument frå eige arbeid i forkant av kurset
• pensumlitteratur, trykt og på nett
• arbeid med oppgåveløysing i tilknyting til læringsmåla
• fire arbeidskrav som må godkjennast: To obligatoriske gruppearbeid og to individuelle arbeid knytt til læringsmåla.

Deltakarane må ha tilgang til pc med Internett, og deltakarane må kunna lasta opp og ned frå Internett. Kurset vert gjennomført med det elektroniske læringssystemet Fronter. Det vert gjeve opplæring i dette verktøyet.

Praktiske opplysningar

Opptakskrav er generell studiekompetanse eller realkompetanse. Dette må du dokumentera etter påmeldinga.

Har du spørsmål om studiet, ta kontakt med HSF Oppdrag hsfoppdrag@hisf.no eller Tone Skjerdal, tlf. 57676345

Kva seier tidlegare deltakarar?
Emneomtale