Praktisk økonomistyring i kommunesektoren, 6 studiepoeng

Årdal, Lærdal og Aurland kommunar har gått saman om å tilby tre høgskuleemne til mellomleiarane og institusjonsleiarane sine. Dei tre emna er Praktisk økonomistyring i kommunesektoren (6 studiepoeng), Praktisk personalleiing (5 studiepoeng) og Ta pulsen på språket (15 studiepoeng). Me startar med Praktisk økonomistyring i kommunesektoren. Samlingane vert i Lærdal i januar - mars 2010.

Mål

Kurset skal gjera studentane i stand til å gjennomføra ein budsjettprosess på institusjonsnivå og forstå dei prinsippa som ligg bak eit kommunebudsjett. Deltakarane skal kunna nytta dataverktøy til budsjettering, rekneskapsføring og rapportering.

Organisering

Det vert fem dagssamlingar med førelesingar og oppgåveløysing. Datoar: Tysdag 19. januar, tysdag 2. og 16. februar, tysdag 2. mars og onsdag 17. mars.

Emne

• Innføring i budsjettering, budsjettprinsipp og budsjetteringsprosessar
• Kommunebudsjett, kommunal budsjettering og institusjonsbudsjett
• Generelle rekneskapsprinsipp, kommunal rekneskapsføring, avviksanalyse og årsrapportering

Me føreset at deltakarane kan enkel bruk av excel/rekneark.

Førelesarar

Høgskulen i Sogn og Fjordane v. Toril Partenyi er fagansvarleg. Kurshaldar er rådgjevar Kåre Træen.

Eksamen

Skuleeksamen, 4 timar. Alle som gjennomfører kurset får kursbevis.