Problemløysing og avgjerdstaking i det kommunale barnevernet

Om prosjektet

Målet med doktorgradsarbeidet er å styrkje kunnskapen om korleis sosiale og kulturelle forhold påverkar problemløysing og avgjerdsletaking i det kommunale barnevernet. Ynsket er å få fram det sosiale og kulturelle grunnlaget for barnevernsfagleg praksis og vise korleis meiningsinnhaldet i verdistandardar som ”barnet sitt beste” og ”god omsorg” blir skapt i profesjonskollektivet. Det empiriske datamateriale er henta frå feltarbeid og deltakande observasjon i tre ulike barnevernstenester i til saman eitt år.

Mål for prosjektet

Prosjektet ser nærare på desse problemstillingane:

• Kva karakteriserer problemløysinga i kommunale barnevernet?
  * Korleis verkar institusjonelle rammer inn på avgjerdsprosessen?
  * Kva profesjonell kunnskap blir brukt i barnevernsarbeidet?

• Korleis vert profesjonelle praksisar handtert, utvikla og halden ved like i det kommunale barnevernet?
  * Kva kjenneteiknar barnevernsarbeidaren si handtering av klientmøta?
  * Kva rolle spelar interne og fleirprofesjonelle drøftingsmøte i avgjerdsprosessen?

Status

Doktorgradsarbeid 2007 -