Prediktorar for suksess i behandlinga av sjukleg overvekt

Kva variablar kan seie noko om helserelatert livskvalitet hos personar med sjukleg overvekt?

Om prosjektet

Prosjektet fokuserar på effektar etter fedmekirurgi, og skal gi ny kunnskap om kven som har størst nytte av slik behandling. Fedmekirurgi har svært god effekt både på vektreduksjon og livskvalitet hos mange pasientar. Likevel er det om lag 30 % av pasientane som ikkje har tilfredsstillande langtidsresultat. Kunnskap om moglege årsaker til dette kan vere nyttig for å forbetre resultata hos denne undergruppa av pasientar.

Mål for prosjektet

Målsettinga er å få meir kunnskap om kva variablar som kan seie noko om helserelatert livskvalitet hos personar med sjukleg overvekt. Det er fire forskingsspørsmål knytt til prosjektet:

1. Er det forskjellar i vektreduksjon og livskvalitet etter ulike typar fedmekirurgi?
2. Kva predikerar deltaking i arbeidslivet før og etter fedmekirurgi?
3. Predikerar meistringsforventning i forhold til kosthald og fysisk aktivitet kroppssamansetting og livskvalitet etter fedmekirurgi?
4. Predikerar pasientane sine metabolske profil vektreduksjon og endringar i livskvalitet etter fedmekirurgi?

Samarbeidspartnarar

Helse Førde, Universitetet i Bergen, University of Oulu, Helse Fonna.

Status

Postdok prosjekt 2011-2016.