Lokal velferdsleiing i eit system under press

Dette prosjektet er eit strategisk høgskuleprosjekt. Prosjektet tok til i 2007 og skal avsluttast ved utgangen av 2012, og inkluderer fleire delprosjekt. Desse er også omtala under fou-prosjekt.

Om prosjektet

LVL- prosjektet har samla deltakarar frå tre av høgskulen sine avdelingar: Avdeling for helsefag, avdeling for samfunnsfag og avdeling for økonomi, reiseliv og leiing. Samordningsansvaret for prosjektet har lege til fagmiljøet i organisasjon og leiing. Prosjektet er sett saman av ei reke delprosjekt knytt til fire ulike deltema. Dessutan har prosjektet etablert ein fagleg samarbeids- og utviklingsarena som har vore open også for andre tilsette ved HiSF som forskar på leiing og organisering av helse og velferd. Rundt 15 personar har delteke på aktivitetane i regi av Arena LVL. Til Arena LVL har ein henta inn ekstern spisskompetanse, og deltakarane har fått høve til å presentere og få kommentarar på forskinga si.

Mål for prosjektet

Prosjektet har to hovudmål. Det faglege hovudmålet er å avklare vilkåra for og mulighetane til lokal leiing i helse- og sosialsektoren. Sentrale delmål er

• Å studere korleis aukande systemkompleksitet og nye styringsformer påverkar vilkåra og handlingsrommet for leiarar i sektoren.
• Å sjå på kva slags kompetanse, organisering og leiing som trengst dersom ein skal skape organisasjonar som er utviklingsorienterte og læringsdyktige, og samstundes i stand til å handle innanfor tronge kostnadsrammer.

Det strategiske hovudmålet er å utvikle fagmiljøet i helse- og sosialleiing ved HiSF. Eit sentralt delmål har vore å utvikle ein fagleg fellesarena og eksterne nettverk for fagmiljøet ved HSF, og å utvikle fou-basert undervisning og læring ved masterstudiet i organisasjon og leiing. I prosjektperioden har det såleis vore fleire årlege fou-seminar, og det er rettleidd rundt 20 masteroppgåver med tema som er relevante for prosjektet.

Prosjektet er samansett av delprosjekt knytt til fire tema. For faglege resultat og publikasjonar kan ein lese omtalen av kvart delprosjekt.

Deltema 1: Lærande leiarskap

Eit teoretisk perspektiv på læring og leiing (Øyvind Glosvik)

Grasrotleiarar i helse- og velferdssektoren som lærande leiarar (Øyvind Glosvik)

Deltema 2: Kliniske mikrosystem og behandlingslinjer i helsetenesta

Kvalitetsutvikling og forbetringsarbeid i spesialisthelsetenesta (Einar Hovlid, PhD-avhandling)

Informasjonsflyt mellom sjukeheim og sjukehus (Marta Strandos, masteroppgåve)

Deltema 3: Kvalitet og kontinuitet i omsorgstenesta

Kvalitetsarbeid i pleie- og omsorgstenestene (Hanne-Marie Heggdal, masteroppgåve)

Kontinuitet som kvalitetsfaktor i demensomsorga (Toril Midtbø, Gro Kvåle)

Deltema 4: NAV-reforma og den lokale leiinga

Dei lokale NAV-leiarane sitt handlingsrom (Leif Longvanes, Magne Eikås)

Samarbeidspartnarar

LVL-prosjektet er finansiert av Norges forskingsråd og Høgskulen i fellesskap. Løyvinga frå forskingsrådet er rundt 6 millionar kroner, medan HiSF har medverka med nær 4 millionar.

Status

Prosjektet vil bli avslutta ved utgangen av 2012. Nokre av delprosjekta er allereie avslutta, sjå eigne omtalar av desse.Når det gjeld det strategiske delmålet, utvikling av fagleg kompetanse, har prosjektet så langt resultert i eit dosentopprykk, eit førstelektoropprykk og to mastergrader. Eit PhD-arbeid er framleis i gang.

Publiseringar frå dei ulike prosjekta finst under kvart enkel. Ein oppsummerande antologi frå prosjektet er under planlegging.