Kultur og eldre – eit prosjekt om heilskapstenking for betre helse

Prosjektet om heilskapstenking for betre helse er eit fireårig tiltak i Førde kommune.

Om prosjektet

Prosjektet skal legge til rette for auka kulturaktivitet blant eldre, både i og utanfor institusjon. Eit anna mål er at studentar og elevar skal tileigne seg eit kulturelt perspektiv på sin utøving av faget. Den sentrale arena for prosjektet Kultur og Eldre er Førde Helsetun. Ein del av kulturtiltaka blir av den grunn arrangert i lokala til institusjonen.

Mål for prosjektet

Evalueringsprosjektet ser for det første på ulike sider ved prosjektet.

• Korleis er dette forankra i ulike grupper ved Førde Helsetun?
• Har enkelt-bebuarar glede av prosjektet?
• Kan dette også vera noko for eldre som ikkje kan delta, men som er tilhøyrarar/publikum?
• Er prosjektet ein faktor også for pårørande?

Evalueringsprosjektet skal deretter gå inn på eit konkret tiltak: Førde Seniorkor.

Koret har sine øvingane i lokala til Førde Helsetun og er eit ledd i å utvikle Førde Helsetun som ein samlande kulturarena for dei som bur ved institusjonen, for tilsette og folk elles i kommunen og distriktet.

• Kva kan dette bety for den enkelte?
• Kan koret gi ein identitet?
• Kan dette gi grunnlag for sosialt fellesskap og aktivitet utover korøvingane?
• Kan dette vera til nytte også på andre områder i kvardagen?

Metode: Eit utforskande design med deltakande observasjon, kvalitative intervju (individuelt og i grupper).

Samarbeidspartnarar

Prosjektet er eit samarbeid mellom Førde Kommune, Sogn og Fjordane fylkeskommune v/senter for musikkterapi og Høgskulen i Sogn og Fjordane.

Status

Den første artikkelen blir publisert i januar 2012.