Tildeling av praksisrettleiingsmidlar

Praksisrettleiingsmidlar er tildet.

Åtte søkjarar har fått tildelt prosjekt- og kursstøtte, frå Høgskulen i Sogn og Fjordane, AHF.

I tråd med føringar frå departementa skal praksisrettleiingsmidlane bidra til:

• Fleire fellesprosjekt mellom Avdeling for helsefag og praksisfeltet
• Sterkare kopling mellom utdanning og fagutviklingsprosjekt i praksisfeltet
• Formidling og/eller vitskaplig publisering av resultata av fellesprosjekta
• Å utvikle bærekraftige FoU-miljø

Desse fekk midlar

Sogndal omsorgssenter, sjukeheim og omsorgssenter får tildelt kroner 2.500 til faglitteratur og 100 arbeidstimar til undervisning og rettleiing av personalet gjennom førelesarar frå HSF, Avdeling for helsfag. Prosjektet ved Sogndal omsorgssenter handlar om samhandling med pasientar med demens i institusjon.

Førde sentralsjukehus ved avdeling for anestesi, operasjon og intensivsjukepleie fekk tildelt kroner 52.450 til dekking av utgifter for seks deltakarar på innføringskurs i rettleiing. Midlane er tildelt med bakgrunn i prosjektet "Studentpraksis ved AAM". Avdelinga ser behov for å lage eit nytt undervisningsopplegg grunna auka studental til hospitering frå grunnutdanninga i sjukepleie.

Førde sentralsjukehus, medisinsk avdeling/kreftposten vert tildelt kroner 109.306 for prosjektet "Praksisløftet - med studenten i fokus ved hjelp av fadder, hovudtrettleiar og høgskulelektor".

Førde sentralsjukehus, kirurgisk/ortopedisk avdeling får tildelt kroner 109.306 for prosjektet "Hovudrettleiar i praksis". Avdelinga skal nytte midlane til to hovudrettleiarar i 20 % stilling til rettleiing av studentar.

Årdal kommune ved eldreomsorga får dekka utgifter til innføringskurs i rettleiing. I tillegg får omsorgstenesta i Hyllestad kommune, pleie, rehabilitering og omsorg i Vågsøy kommune og bistand og omsorg i Fjaler kommune tildelt ein kursdag kvar i ernæring og helse.

Følgjande kriterium ligg til grunn

Ein komitè samansett av studieleiarane på bachelorutdanninga i sjukepleie, rådgjevar for økonomi og personal og praksiskonsulent har vurdert søknadane og innstilt til dekanvedtak på bakgrunn av følgjande kriterium:

1. Det må vere eit samarbeidsprosjekt mellom praksisfeltet og Høgskulen i Sogn og Fjordane, Avdeling for helsefag.
2. Det må kome studentane på praksisplassen til nytte.

Tildelinga av praksisrettleiingsmidlane kan ha følgjande fokus:

• Praksismodellar - nye måtar å organisere praksis på
• Hospitering - frå praksisfeltet til AHF og frå AHF ut i praksis
• Rettleiingskompetanse - systematisk oppbygging av rettleiingskompetanse i praksisfeltet
• FoU med hovedfokus innan høgskulen sine satsingsområde.

Avdeling for helsefag sine hovudområde for FoU er i følgje "FoU-plan for klinisk forsking 2007-10:

• Klinisk forsking med hovudvekt på meistring og livskvalitet ved kronisk og alvorleg sjukdom
• Kvalitetssikring av klientretta verksemd med hovudvekt på behandlingsforløp og pasientforløp
• Internasjonalisering - auka tal utenlandske studentar i praksis
• Praksis utanfor fylket - spesielle praksisplassar som fylket manglar
• Tilrettelegging for kombinerte stillingar

Sist endra: 23. september 2010 13:43:24