Jorunn Bakke Nydal, Jose Fernandez og Ove Mjåtveit sørga for stemningsfull opning av konferansen.

Med 90 lyttande tilhøyrarar fanga Anne Marie Aubert merksemda med ei interessant førelesing om Kollegarettleiing som læringsarena. ”Sårbarhet og anerkjennelse som ressurs i utvikling av profesjonell relasjonskompetanse,” var ei av hovedtesene ho bygde si forelesing på. Ho gav oss innblikk i korleis relasjonar er, og vidare korleis kollegarettleiing kan gjerast og erfarast.

Aubert er førstelektor ved Høgskulen i Lillehammer.

Marianne Hoff og Brit-Marie Follevåg kunne nøgde konstatere at den nye årboka vart reven bort av kjøpelystne rettleiarar. Det viser at rettleiing og Rettleiarnettverket femnar på tvers av sektorar og profesjonar.

I matpausen var det bokslepp av Årboka for 2009 med mange av forfattarane til stades. Boka har eit mangfald av artiklar skrive av fagfolk med kritisk blikk på eigen rettleiingspraksis både i akademia og med røter i praksis. Formålet med Årboka er å vere med og styrke fagleg rettleiing både i privat og offentleg sektor.

Parallellsesjonane

• Notatar og dagbøker - ei narrativ tilnærming til rettleiing ved kommunelege Per Stensland
• Karriererettleiing i eit livslangt perspektiv, skulen sitt ansvar? ved lærar Sonja Hestetun
• Rettleiing i eit kognitivt perspektiv - kognitive teknikkar nytta i rettleiing ved psykiatrisk sjukepleiar Atle Henden
• Kroppen som kjelde til kunnskap i rettleiing ved førstelektor Anne Marie Aubert

gav deltakarane ulike spennande og nyttige input til sin kvardag.

Førelesingane er lagt ut på heimesida til Rettleiarnettverket