HSF-soga er klar: Bokslepp måndag 1. desember

HSF-soga er no klar for presentasjon

Måndag 1. desember er det tid for ei lita storhending i fylket vårt.

Denne dagen vert nemleg boka ”Frå skuletun til campus. Soga om Høgskulen i Sogn og Fjordane” presentert og lagt fram. Soga er skriven av historikaren Gunnar Yttri, og er gitt ut på Skald forlag.

Tid: Måndag 1. desember kl 1400

Stad: Auditorium F300, 3. etasje Fossbygget i Sogndal

På boksleppet vil forfattaren Gunnar Yttri presentere boka. Her finn du eit lite samandrag av boka.

Tre personar som på ulikt vis har spelt ei rolle i soga, vil kommentere ulike sider ved boka:

Karl Georg Høyer, professor og forskingsleiar ved Høgskolen i Oslo, og tidlegare rektor ved Sogn og Fjordane distriktshøgskule.

Marit Solheim, forskingsleiar ved Senter for helseforsking i Sogn og Fjordane, tidlegare student ved Sogn og Fjordane sjukepleiehøgskule og førstelektor ved Høgskulen i Sogn og Fjordane.

Kjartan Longva, ordførar i Høyanger kommune, tidlegare medlem i Det regionale høgkulestyret for Sogn og Fjordane og i styret for Høgskulen i Sogn og Fjordane (med atterhald)

Vi ønskjer tilsette, studentar og alle andre velkomne til dette historiske boksleppet.

Sist endra: 26. november 2008 09:32:52