Per Jarle Sætre disputerer
Med avhandlinga ”Geografi i tekst og bilde” skal Per Jarle Sætre fredag 6. november forsvara arbeidet sitt for Ph.d-graden i Trondheim.
Undersøkinga har som tema: ”Bruk av illustrasjonar i geografilærebøker” og er ei analyse av sju lærebokseriar i geografi for ungdomsskulen frå Noreg, Sverige, Danmark og Finland.
Avhandlinga er basert på innhaldsanalyse av illustrasjonane i lærebøkene. I tillegg kjem intervju med lærebokforfattarane om bruken av illustrasjonar i ein fagleg pedagogisk samanheng.
Per Jarle Sætre har gjennomført doktorgradsarbeidet som førstelektor ved Avdeling for samfunnsfag, HSF. Sætre har vore tilsett ved høgskulen sidan 1993. Han har i hovudsak undervist i faga geografi og miljølære ved lærarutdanninga. For tida underviser han hovudsakleg i samfunnsfagsdidaktikk.
Disputasen finn stad ved Norges Teknisk-Naturvitenskapelige Universitet i Trondheim fredag 6. november.
Vi ønskjer Sætre lykke til med disputasen.
Sist endra: 28. oktober 2009 16:46:42