Kjell Skjeldestad sluttar ved AØR
Kjell gjekk over til å bli pensjonist 1 juli etter å ha vore tilsett som førsteamanuensis sidan 1. februar 1984, med undervisning på øk. adm. studiet og informasjonsbehandlingsstudiet.
Kjell Skjeldestad er, som namnet tyder, ekte Sogndøl. Etter realartium i 1965 vart det Universitetet i Oslo og faga matematikk, fysikk og databehandling og oppnådd cand. real. grad i 1972 ved institutt for informatikk. Då fekk han jobb ved Forsvarets forskingsinstitutt (FFI) i og vart i 5 år. Kjell hadde allereie då mange undervisningsoppdrag; openbert var det den gang óg mange som hadde trong for opplæring i edb. Som den fagmannen Kjell var og er, såg han nytten av å auke kompetansen sin, så i 1975 tok han like godt og avla eksamen i pedagogikk mellomfag. Neste arbeidsplass var Riksrevisjonen. Her var det trong for kompetanse innan økonomi, så Kjell tok utdanning som bedriftsøkonom. På vitnemålet står det at han har gjennomført et ”Aftenstudium” i bedriftsøkonomi. I 1981 fekk Kjell it-jobb i Sogn og Fjordane Fylkeskommune, og 1. februar 1984 starta han som førsteamanuensis ved Sogn og Fjordane Distriktshøgskule. I Høgskulen har Kjell undervist i emne i øk.adm. studiet og seinare studiet i informasjonsbehandling, eit studium som etter siste vårsemesteret er blitt historie i HSF. Den siste tida har han og gjort ein innsats for ALI og undervist lærarar i vidaregåande skule.
I perioden 96 – 98 var Kjell avdelingsleiar ved det som den gang var avdeling for økonomi og språk og studieleiar for informasjonsbehandling frå 2000. Dei siste åra har Kjell vore aktiv innan internt opplæring i it, spesialt i bruk av powerpoint og word. I desse dagar er han, i lag med tilsette på ALI, involvert i sluttføringa av bok om digital kompetanse i barnehagen.
Kjell kjem til å bli sakna på avdelinga. Kjell var alltid den som hugsa på andre og tok sitt initiativ til å markere at noko eller noko skulle feirast. Som ivrig turgåar tok han ofte initiativ til fellesturar saman med kolleger. Avdelinga synest det er trist at han ikkje lenger er blant dei tilsette, men ser fram til å kunne markere Kjell sin overgang til pensjonisttilvéret under personalturen til Berlin i oktober.
Sist endra: 24. september 2010 14:59:43