Full tilslutning til Leiing for velferd
Leif Longvanes presenterte det nye studiet Leiing for velferd for NAV Fylkesforum onsdag 13. juni. Tilbakemeldingane frå forumet var svært positive, og høgskulen tek sikte på å starta studiet til hausten.
NAV Fylkesforum Sogn og Fjordane er eit samarbeidsorgan for kommune og stat i arbeidet med å etablera NAV-kontor i kommunane. Høgskulen har hatt fleire møte med med forumet, og denne gongen var det Leif Longvanes frå Avdeling for økonomi og språk og Tone Skjerdal frå HSF Oppdrag som møtte. HSF Oppdrag har hatt ei spørjeundersøkjing til NAV og kommunane for å lodda stemninga for eit leiingsstudium for velferdsforvaltninga. Svara viser at tida er inne for å setja i gang eit slikt studium, og møtet med NAV Fylkesforum stadfestar dette.
Leiing for velferd er utarbeidd i samarbeid mellom Avdeling for økonomi og språk og Avdeling for samfunnsfag. Studiet har eit omfang på 30 studiepoeng, og planlagt start er i oktober/november 2007.
Sist endra: 15. juni 2007 08:29:28