Kick-off for nytt storprosjekt!
Det strategiske høgskuleprosjektet ”Lokal velferdsleiing i system under press” hadde oppstartsamling onsdag 10. januar. Prosjektet har finansiering frå Noregs forskingsråd, og skal gå over fire år til utgangen av 2010. Åtte forskarar har midlar frå prosjektet.
På samlingane opnar vi for deltaking også for HSF-tilsette med anna finansiering og som forskar på fagfeltet leiing i helse- og velferdssektoren, opplyser dekan ved Avdeling for økonomi og språk, Oddbjørn Bukve.
Tolv tilsette frå tre av høgskulen sine avdelingar deltok på samlinga (sjå bilde). Fagleg tema var organisasjonsidentitet, med innleiingar av Gro Kvåle og Åge Vebostad. Kari Kjos og Øyvind Glosvik presenterte sine prosjekt om kliniske mikrosystem og lærande leiing.
Neste samling vil bli 25. og 26. april. Fagleg tema vil då bli profesjonar og profesjonsorganisasjonar. Dessutan vil vi gå gjennom prosjektplanane for fire ulike prosjekt med tema innan velferds- og omsorgssektoren. Nye deltakarar med interesse for forsking på dei nemnde emna er velkomne til å ta kontakt med prosjektleiar Oddbjørn Bukve.
Sist endra: 17. januar 2007 11:09:26