Opprykk til førstelektor
Høgskulelektor Rolf Salveson, Avdeling for lærarutdanning og idrett, har fått opprykk til stilling som førstelektor
Ein fagleg kommisjon beståande av professor Edvard Befring og førsteamanuensane Eystein Enoksen og Lise Beate Estil har gitt Rolf Salveson ved idrettsstudiet vårt opprykk til stilling som førstelektor.
Breitt vurderingsgrunnlag
I den samrøystes innstillinga skriv kommisjonen at Salveson sine framlagde arbeid "har stor faglig relevans og er av god kvalitet." Det vert lagt vekt på Salvesons evner til å sjå samanhengar mellom teori og praksis og det personlege engasjementet som arbeida hans er prega av. Vidare strekar kommisjonen under at Salveson som idrettspedagog har teke mange initiativ og utvikla fleire fagplanar, og at han har brei erfaring frå idrettslivet både som aktiv, trenar, pedagog og leiar.
Samla vurdering
Ut frå ei samla vurdering kjem kommisjonen einstemmig fram til at Salveson tilfredsstiller krava til opprykk til førstelektor.
Vi gratulerer Salveson og HSF Idrett med opprykket. Ved idrettsstudiet er det no i alt fire førstelektorar.
Sist endra: 01. mars 2010 15:52:56