Fire nye 25-årsjubilantar i HiSF
Ved opninga av fagdagen 20. januar fekk 25-årsjubilantane Jon Henjum, Hans Jørgen Binningsbø, Kirsten Hjelmhaug og Helge Hustveit blomar og kunstverk.
Rektor Åse Løkeland heldt tale for og om dei fire jubilantane som i løpet av 2011 hadde vore tilsett ved høgskulen i 25 år. Alle fekk blomar og eit kunstverk av grafikar Magne Vangsnes.
Jon Henjum er faglærar i matematikk ved Avdeling for lærarutdanning og idrett og har engasjert seg sterkt i å ta i bruk ikt.
Hans Jørgen Binningsbø er velkjend for dei fleste i høgskulen. Han var direktør fram til omlegginga til tilsett rektor og har vore viserektor sidan då.
Kirsten Hjelmhaug er reinhaldar i Sogndal og har i alle år vore knytt til Avdeling for ingeniør- og naturfag både i Flåtengården og seinare i Stadionbygget på Fosshaugane Campus.
Helge Hustveit starta karrierren sin som fagtilsett ved Avdeling for ingeniør- og naturfag og var i fleire år studieleiar. No er han dekan ved same avdelinga.
Høgskulen gratulerer!
Sist endra: 20. januar 2012 12:16:49