Utskrift og kopi
På multifunksjonsmaskinene kan du kopiere, skrive ut i farge eller svart/kvitt, scanne til e-post og etterbehandle i form av stifting og bretting til hefte.
Maskinene er utstyrt med lesar for studentkort.
Du fyller opp kortet ditt via tenesta Administrasjon av utskrift.
Merk at i innloggingsbiletet skal det stå hisf\ framfor brukarnamnet ditt.
Framgangsmåte for å ta i bruk printordninga
Alle nye studentkort har ein startsaldo på 100 kr. Når dette beløpet er brukt opp må du sjølv fylle på kortet med den summen du ynskjer.
Første gong du brukar printordninga må du aktivere studentkortet ditt. Dette gjer du på følgjande måte:
- Gå til administrasjon av utskrift
- Logg på med brukarnamnet og passordet ditt i innloggingsbiletet. Framfor brukarnamnet ditt skal det stå hisf\
- Vel "sjå PUK-kode". Dersom koden ikkje kjem fram, vel du "generer ny PUK"
- Ta med PUK-koden og kortet ditt til ein av dei store fargeskrivarane (kombinert kopimaskin)
- Dra kortet og oppgi PUK-kode når du får spørsmål om det
- Du blir så logga av, og kortet ditt er registrert
- Dra kortet på nytt og vel funksjon Utskrift, kopiering eller scan til e-post
Sist endra: 12. mars 2012 12:52:59