Klage på sensur

Meiner du at du har fått feil sensur på eksamen, har du rett til å få ei grunngjeving for vurderinga og høve til å klage på avgjerda.

Krav om grunngjeving

Ved munnleg eksamen må krav om grunngjeving settast fram umiddelbart etter at sensuren er vedteken. Ved andre eksamensformer må kravet settast fram innan ei veke frå du fekk kjennskap til sensurvedtaket jf. Lov om Universiteter og høgskoler § 5-3.

Klage på sensur

Du har høve til å sende ei skriftleg klage innan 3 veker etter vedtaket. Ved gruppeeksamen med samla karakter må alle i gruppa signere klagen.

Karakterfastsetting ved ny sensur kan ikkje påklagast.

*Skjemaet er i pdf-format, og kan lastast ned med Acrobat Reader. Dersom du ikkje har dette programmet, kan du laste det ned gratis.

Lovverket for grunngjeving for vurdering og klage på sensur er nedfelt i

• Forskrift om opptak, studium og eksamen ved Høgskulen i Sogn og Fjordane
• Lov om Universiteter og høgskoler.