Dei første 2 dagane vart nytta i Edinburgh med vitjing på Heriot-Watt universitetsbibliotek. Eit universitet som har lange tradisjonar i å samarbeide med Noreg, heilt attende til 2. verdskrigen då lokala vart nytta av norske soldatar. Det har og alltid vore mange norske studentar ved universitetet.
Det vart også tid til ei vitjing på Skottland sitt nasjonalbibliotek og på folkebiblioteket i Edinburgh. Deretter gjekk turen til universitetsbiblioteket i Stirling. Stirling universitet har ca. 10 000 studentar.

Heriot-Watt Universitetsbibliotek, Edinburgh

Tema for turen:
- Korleis universitetsbibliotek i Skottland er organisert?
- Korleis driv dei undervisning av studentar og tilsette?
- Handsaming av elektroniske ressursar.
- Planar og utfordringar i utviklinga av bibliotektenestene i framtida.

Travel skranke på Heriot-Watt

Stirling Universitetsbibliotek; Subject librarian Kirsty Thomson, Bente, Lise og Anita

Både i Edinburgh og Stirling vart me godt mottekne og fine dagsprogram var lagt opp. Det vart mange møte, mykje informasjon og gode diskusjonar.
Det vart også høve til å delta på fleire undervisningstimar i informasjonssøking både på undergraduate og master nivå. Lærerikt, med mange inntrykk og gode idear å ta med seg heim. Skottane viste seg som trivelege folk med mykje humor, dei var enkle å kommunisera med og koma i kontakt med. Det var også interessant å finna ut at utfordringane for dei skotske universitetsbiblioteka er mykje dei same som for dei norske universitet- og høgskulebiblioteka.

Utsikt frå Stirling Castle

Bibliotekar Colin Sinclair og Anita med felles interesse: Fotball