Oddmund Løkensgard Hoel disputerer
Med avhandlinga ”Målreising og modernisering i Noreg 1885-1940” disputerer Oddmund Løkensgard Hoel fredag 20. november for Ph.D-graden i Trondheim.
Avhandlinga tek føre seg korleis den nynorske målrørsla møtte og tok del i den omfattande moderniseringa av det norske samfunnet mellom 1885 og 1940. Dette var den store framgangsperioden for målreisinga, som kulminerte i 1940-åra då over halvparten av folkeskulekrinsane i landet hadde innført nynorsk. Avhandlinga er den første større granskinga av målrørsla og målreisinga i ein så brei samfunnskontekst og over eit tidsspenn frå 1880-åra til andre verdskrigen.
Oddmund har vore tilsett ved Avdeling for samfunnsfag sidan 2007 og underviser i samfunnsfagleg metode og nyare historie.
Disputasen finn stad ved Norges Teknisk-Naturvitenskapelige Universitet i Trondheim fredag 20. november.
Vi ønskjer Oddmund lykke til med disputasen.
Sist endra av: Caisa Hedlund, 06. november 2009 09:46:02
Publisert av: Caisa Hedlund, 06. november 2009 09:44:29