Overvaking og varsling av skred
Eit samla utdannings- og forskingsmiljø i Noreg som arbeider med skred, arrangerer nasjonalt skredseminar i Førde 11. mai. Frist for påmelding er 4. mai.
Skred frå bratte dalsider og leirområde er eit aktuelt problem i store delar av landet.
Hovudtema for seminaret er korleis ein kan registrere og overvake ustabile fjellparti og skråningar slik at ein blir i stad til å varsle skreda, og unngå tap av menneskeliv. Målet er å informere om kva problemstillingar forskings- og utdanningsmiljø i Noreg arbeider med på skred, og på kva for område det vil vere viktig med auka forskingsinnsats.
Her finn du meir informasjon, program og påmeldingsskjema til skredseminaret.
Markering av NVE sitt utvida ansvar knytt til førebygging av skredulukker
Som eit innslag i seminaret vil Olje- og energiminister Terje Riis-Johansen og Vassdrags- og energidirektør Agnar Aas vere med på markeringa av at Regjeringa frå 1. januar 2009 har gitt Norges Vassdrags- og energidirektorat - NVE hovudansvar for statleg førebygging av skredulukker i Norge.
Alt går føre seg i høgskulen sine lokale på Vie i Førde. Klikk på biletet nedanfor og sjå full storleik.
Sist endra: 29. april 2009 12:27:35