50 år med kvinner i presteteneste i Noreg
Artikkelsamlinga "Hun våget å gå foran" kastar lys over historia om kvinners presteteneste både før og etter ordinasjonen av Ingrid Bjerkås i 1961. Førstelektor Bjørg Tvetene Sæther sin artikkel fokuserer debatten om kvinnelege prestar.
Arbeidet med artikkelsamlinga hadde tre temaområde som utgangspunkt:
Det første temaområde er Ingrid Bjerkås, som i norsk historie personifiserer gjennombrotet for kvinnelege prestar.
Det andre temaområde gjev innblikk i ulike historiske liner fram mot gjennombrotet for kvinnelege prestar i Noreg.
Det tredje temaområdet fokuserer samtidige og aktuelle spørsmål.
Debatten om kvinnelege prestar
Den kyrkjelege og fagteologiske debatten om kvinnelege prestar er tema for Bjørg Tvetene Sæter sin artikkel.
Sæter viser korleis debatten frå slutten av 1950-talet i særleg grad handla om teksttolking, der Paulus sin tekst frå 1 Kor 14 var sentral. Spørsmål om korleis teksten skulle tolkast, var meir i fokus enn gyldighetsspørsmål. Då debatten for alvor nådde Menighetsfakultetet på 1970-talet, kom derimot spørsmålet om skriftssyn og underordning i fokus. Hennar personlege stemme gir eit inntrykk av kor grunnleggande denne debatten angjekk kvinner som studerte på Menighetsfakultetet på den tida.
Verbum forlag har gitt ut boka, og Bjørg Kjersti Myren og Hanne Stenvaag står som redaktørar.
Sist endra: 26. juli 2011 09:55:30